Ir al contenido principal

2 Advento A 2016

Esperar desde a alegría para acoller e deixarse acoller. Ven, Señor Xesús!
Descarga o ficheiro
SINAL DE ADVENTO
Colocamos a segunda folla na nosa árbore.
CANTO GOZOSO
  • ENTRADA: Camiñando pola vida (Nº 9)
  • LECTURAS: A túa palabra (Nº 25) 
  • OFERTORIO: Benaventurados (Nº 118) 
  • COMUÑÓN: O amor é o meirande (Nº 119)
ESCOITA ACTIVA
            Neste segundo domingo de Advento, ademais de poñer unha nova folla da árbore que queremos que exprese a necesidade de superar a seca á que nos levan o aburrimento, a falta de ilusión ou a desgana, queremos tamén abrirnos á forza da Palabra de Deus, que nos invita a non deixarnos levar do arrouto que xulga aos demais, nin da rutina que insensibiliza o noso corazón. Deixémonos levar da man de Deus, camiñemos e esforcémonos para que, deixando atrás o que sabemos que non facemos ben, vaiamos abrindo camiño que nos prepare a acoller ao Deus que quere volver a nacer, non no consumismo do sistema capitalista, senón na tenrura da mirada dun vello ou do sorriso dun neno que crece e necesita ser querido e acompañado no seu crecemento.
            Dispoñámonos logo a participar desta celebración para que sexa de tod@s, e non só de quen a preside e dirixe.
CORAZÓN MISERICORDIOSO
  • Porque xulgamos sen coñecer nin darnos conta de que ese non é o camiño; SEÑOR, QUE NOS SINTAMOS NECESITADOS DE RECONCILIACIÓN.
  • Porque nos custa dar grazas, namentres somos dos que protestamos cando non nolas dan a nós; CRISTO, QUE NOS SINTAMOS NECESITADOS DE RECONCILIACIÓN.
  • Porque nos sobra soberbia e nos falta misericordia; SEÑOR, QUE NOS SINTAMOS NECESITADOS DE RECONCILIACIÓN.
OLLOS ABERTOS E PÉS NO CHAN
Hai unha frase da primeira lectura que temos escoitado hoxe que nos pode axudar na reflexión deste domingo, e que ten unha gran actualidade. Dicíasenos: “Non xulgará conforme á aparencia dos seus ollos, nin sentenciará conforme ás faladorías dos seus oídos”. Canto temos que aprender! Canta atención lle debemos prestar á Palabra de Deus que proclamamos nas celebracións!. Verdade que nos sona a todos iso de xulgar pola aparencia e falar de oídas? Seguro que todos nós temos que entoar o “mea culpa” por telo feito máis dunha vez. E ademais, é tan doado! Si, porque unha vez dita a frase, feito o comentario ou manifestada a media verdade, o mal xa está feito. E por moito que logo desmintamos, recuemos ou recoñezamos o noso erro, o agravio á persoa sobre a que se falaba, o mal e a dor causada, xa ninguén o vai quitar. Por iso é fundamental pensar as cousas antes de dicilas, evitar deixarnos levar polo primeiro comentario que sobre alguén escoitamos, e non facer xuízos sobre ninguén. Verdade que non nos gusta cando eses comentarios, miradas, xuízos... se refiren a nós? Apliquemos, xa que logo, o mesmo criterio para darnos conta que, do mesmo xeito que nos sentimos mal cando nolo fan; outros tamén se sentirán mal cando llo facemos. En xustiza e reciprocidade, aquilo que non nos gusta para nós, non o poñamos en práctica cos demais. Esta é a primeira idea que nos ofrece a Palabra de Deus neste segundo domingo de Advento. Se somos capaces de interiorizala ben e ila poñendo en práctica, seguro que xa podemos poñerlle á nosa árbore unha nova folla que nos irá mostrando que, cun pouco da nosa parte, sempre é posible que a savia volva a correr pola árbore da nosa vida; de xeito que alí onde só había seca, tristura, indiferenza... poida volver xermolar a esperanza que nos trae Aquel para cuxa acollida nos preparamos.
Nunha carta que acaba de escribir o Papa con motivo da clausura do ano xubilar da Misericordia e que leva por título; “Misericordia et misera” (misericordia e pecado, limitación, pequenez, miserias... calquera destas palabras podería ter o significado que no texto se lle quere dar á expresión “misera”), di Francisco que inda que teña rematado este ano, a misericordia non remata. E non o fai porque todos necesitamos seguir esforzándonos por ser misericordiosos, por poñer ás persoas, non as ideas ou os intereses persoais por riba de todo o que fagamos e digamos. A misericordia é unha actitude que ha estar permanentemente en nós, facendo que a nosa vida sexa un pouco máis plena e chea de riqueza interior. Esforzarnos por poñer o corazón no que fagamos é estar dispostos a seguir no camiño que nos leva a non deixar pasar este tempo de Advento como unha experiencia que nos axude a tomar conciencia de onde están as nosas limitacións, as nosas debilidades para reconducir a dirección e poñernos na disposición de acoller a quen chega. Non é a súa unha chegada virtual, senón real, pois vai chegando a medida que facemos do noso actuar, vivir e comportarnos, momento de presenza de quen vén para traer e facer posible que floreza a xustiza e abunde a paz. E unha actitude así non a podemos desenvolver se nos falta a esperanza, se non nos esforzamos para que  negativo que vai aparecendo na nosa vida, que si que aparece, non sexa o que marque cada unha das cousas que facemos nin enchoupe a nosa maneira de mirar a realidade e de enfrontarnos a ela. Manter a esperanza supón estar convencidos de que as cousas poden ser diferentes, poden cambiar, poden ter outra lectura e outro xeito de entendelas. Pero para iso debemos pechar os oídos aos profetas de calamidades que só falan de mortes, corrupción, catástrofes, estafas, enganos... e poñer a vista naqueles outros -que tamén os hai, inda que na maioría dos casos non son noticia- que nos mostran que pensar nos demais é posible e gozoso, dedicar tempo a facer cousas que fan que a xente ría e estea alegre; que ser xustos e honestos non nos fai parvos, senón mellores persoas; que vivir e camiñar na gratuidade fai que non nos convertamos en mercenarios capitalistas que a todo lle poñen prezo, senón en persoas que non se deixan vencer nin polos comentarios nin polos xuízos de quen vive na amargura e quere que todos vivan coma el. Para nós, cristiáns, este camiño novo e esperanzado tráenolo Xesús. O Xesús que quere que a árbore da nosa vida supera e seca e dea follas de cores que van mostrando que é posible afrontar os retos, os problemas e dificultades, sen deixarnos dominar por eles.
Preparémonos, daquela, para facer sitio a este hóspede que vai vir á porta do noso corazón. Amañemos a nosa casa, botémoslle unha, dúas, tres... mans de pintura, as que fagan falla, de xeito que nos empeñemos en preparar ben a súa chegada. Pero ollo!!!!!!!!!!!!!: que a cousas non quede só en algo externo; interioricemos, afondemos, sintamos a acollida desta chegada no corazón. Porque se todo se vai reducir a poñer “figuriñas”, árbores ou adornos, ben pouco podemos esperar. Coma Xoán Bautista, poñámonos tamén nós en disposición de prepararnos para que cando chegue Xesús, o Deus que se fai un de nós, se sinta a gusto. Para iso tod@s temos moito que cambiar: as tristezas, indiferenzas, egoísmos, insolidariedades, soberbias, rutinas, inxustizas, despreocupacións... teñen que dar paso a canto nos faga caer na conta de que non son as luces de cores nin a música, senón a chegada de quen nos trae unha mensaxe que nos esperte das nosas preguizas, o que fai que Advento sexa tempo de preparación e Nadal experiencia de gozo, alegría e misericordia.
FRATERNIDADE ORANTE
Poñemos ao abeiro de Deus canto queremos compartir sentíndonos sempre necesitados da súa misericordia, e dicimos xunt@s:
QUE NON DEIXEMOS QUE SEQUE A ÁRBORE DA NOSA VIDA
Pola Igrexa, para que non se deixe arrebatar a esperanza que nos trae Xesús, OREMOS.
QUE NON DEIXEMOS QUE SEQUE A ÁRBORE DA NOSA VIDA
Polas nosas parroquias, para que neste tempo de Advento nos esforcemos por dar froitos de boas obras, sabendo acompañar a quen nos necesita, e non caiamos na indiferenza, OREMOS.
QUE NON DEIXEMOS QUE SEQUE A ÁRBORE DA NOSA VIDA
Para que nós, que hoxe nos reunimos para celebrar a fe, saiamos desta celebración co corazón cheo de gozo e as mans dispostas a facer da axuda savia que reverdeza a nosa vida, OREMOS.
QUE NON DEIXEMOS QUE SEQUE A ÁRBORE DA NOSA VIDA
Que fagamos, Señor, deste tempo de Advento, un tempo no que non teñamos medo a comezar de novo e deixar atrás todo canto sabemos que nos fai persoas tristes, amargadas e infelices. P.X.N.S. Amén.
MIRADA ESPERANZADA
Señor, dámosche grazas
por canto temos compartido e celebrado hoxe.
A túa Palabra fainos un chamado á conversión,
e o teu pan quere ser alimento para non decaer nesta tarefa.
Que nos sintamos realmente renovados por dentro e por fóra,
de xeito que non camiñemos no soño da virtualidade,
senón na realidade de quen sabe onde pon os pés
e terma de non equivocar de camiño.
Que toda esta tarefa á que nos invitas
aprendamos a facela en comunidade, xuntos e xuntas,
sabéndonos irmáns iguais desde a complementariedade
que nos enriquece e nos fai sentir iguais e diferentes,
preto e lonxe uns dos outros,
superando a tentación de caer na indiferenza,
que sempre fai invisibles as máis pobres, débiles e necesitados.
Grazas, Señor. Amén.

Comentarios

Entradas populares de este blog

Domund 2023

Corazóns aquecidos, Pés no camiño Cantos Lecturas.-  Misioneiro serás  ( 115 ) Entrada.-  Como che cantarei  (8 ) Ofertorio.-  Recibe, Señor  ( 31 )  Comuñón.-   Acharte presente  ( 51 ) Mirada agradecida             A Xornada Mundial das Misións, que en España chamamos DOMUND, é o día no que a Igrexa reza dun xeito moi especial pola evanxelización no mundo e lémbranos que todas e todos estamos chamados a participar activamente na misión.        Oración e axuda solidaria forman unha unión inseparable, porque como crentes non podemos rezar sen comprometernos solidariamente coas nosas accións, pero tampouco podemos facer accións solidarias se non as facemos xurdir da oración persoal e comunitaria.        Neste día, e do mellor das maneiras, a Igrexa mostra a súa universalidade sen fronteiras para tender a man e poñer o corazón, desde a mirada de Deus, en tódalas persoas que, dun cabo ao outro do mundo, o precisen. Palabra de misericordia ·        Porque son moitas as veces nas que nos fa

2 Pascua 2023

A paz é  camiño  de  e speranza e resurrección   ( Pódese, ad libitum, facer a aspersión no momento penitencial) Cantos •  Entrada.-  Que ledicia miña ( Nº 4 ) •  Lecturas.-   Canta   Aleluia ( Nº 21 ) •  Ofertorio.-  Recibe Señor ( Nº 31 ) •  Comuñón.-  Gracias, Señor, graciñas ( Nº 50 )   Mirada agradecida   ​ O tempo de Pascua é tempo de testemuño e esperanza compartida. O primeiro, o testemuño, vano dando os seguidores e seguidoras de Xesús a medida que van vencendo os seus medos e comezan a saír e  compartir  coa veciñanza que Cristo vive; que a súa vida foi semente de vida nova e alegría que precisaban anunciar. E é  esperanza  porque esa alegría é froito da presenza, sempre alentadora, de Xesús na súa  cotidianeidade. Xesús non é o ausente ao que se lle recorda, ao contrario, é presenza viva que fai reactivar a aqueles e aquelas que o coñeceron e acompañaron . Deste xeito pouco a pouco  foron  vencendo medos e dúbidas; deste xeito, tamén nós recibimos tamén a invitación de ser h

Vixilia Pascual 2023

       1      5)     LITURXIA DA EUCARISTÍA  ð   OFERTORIO  ð   SANTO  ð   NOSO PAI  ð   PAZ  ð   COMUÑÓN  ð   MIRADA ESPERANZADA   ð   DESPEDIDA  ð     6)     CANTO GOZOSO •         Ao prender o lume : A Cristo cantamos (Nº 110)  •         Na procesión cara o templo : Amigos nas penas  •         Lecturas  o   1º Ergo os meus ollos cara aos montes (Nº 112)   o   2º Pai, Pai, póñome nas túas mans  o   3º As túas Palabras, Señor, son espírito e vida  o 4º Benaventurados (Nº 119)  o   Canta Aleluia (Nº 21)  •         Aspersión:  A auga do Señor (Nº 124) •         Ofertorio : Sementar, sementarei  •         Santo:  Santo es ti (Nº 39)  •         Noso Pai : No camiño do amor (Nº 43)  •         Comuñón : Grazas, Señor, graciñas (Nº 50)   •         Canto final á Virxe:  Boas noites (Nº 70)      P ORQUE A MORTE FOI VENCIDA ,  FAGAMOS QUE  AS BÁGOAS SE CONVERTAN EN SORRISOS   LUME DE QUENTURA E LUZ   Ao redor do lume, que nos ofrece luz e quentura, xuntámonos no nome do Señor para comezar a cel