PÓRTICO

Comezamos o tempo da Coresma. É unha chamada forte á conversión e á reconciliación con Deus, coa Igrexa, cos irmáns e irmás. Neste primeiro domingo, invítasenos a meditar cómo Xesús, antes de emprender a súa vida pública, retirouse ao deserto para orar e vencer as tentacións; e neste contexto, co lema “Nais sanas, dereito e esperanza”, celebramos a campaña XLIX de Mans Unidas.

Que esta celebración que agora comezamos nos dea azos para loitar contra todo aquilo que nos afasta do camiño de Deus.

O PERDÓN

ð Ti aseguraches que o ser humano non vive só de pan. Por todos os nosos materialismos, SEÑOR, QUE O PODER NON NOS DESHUMANICE.

ð Ti rexeitaches a tentación da presunción. Por todas as nosas irresponsabilidades, CRISTO, QUE O PODER NON NOS DESHUMANICE.

ð Ti superaches a tentación do poder e do triunfo. Por todas as nosas idolatrías, SEÑOR, QUE O PODER NON NOS DESHUMANICE.

REMUÍÑO

O plan de Deus sobre a persoa é un plan de amor e salvación. El creounos á súa imaxe e semellanza, infundiulles un “alento de vida”. As persoas debemos responder amorosamente ao Creador. Pero na nosa vida moitas veces, como lle ocorreu a Xesús, a tentación peta na nosa porta:

ð Non podemos vivir condicionad@ polos bens deste mundo. Vimos de Deus e cara El camiñamos. El é o punto de referencia para o uso dos bens temporais, que han estar subordinados á súa vontade e á dignidade de todas as persoas.

ð A vaidade, a ostentación, a busca de triunfos rápidos, o mesianismo fácil. Moitas veces queremos usar o noso poder para impresionar á xente… e o que é peor, tentamos utilizar a Deus para o noso proveito.

ð A ambición do poder, a idolatría, o tratar de que Xesús renuncie á total dependencia de Deus. Tamén a Igrexa sufriu tentacións parecidas ao longo dos séculos para exercer con maior eficacia a súa tarefa pastoral e apostólica.

AS TENTACIÓNS DE HOXE

ð O ser humano actual, que parece tan tentado polo ateísmo, debe ser consciente de que unha das tentacións máis graves do noso mundo segue a ser a da idolatría, substituíndo a Deus por outros deuses.

ð Tamén as persoas sentimos a tentación de poñer a proba a Deus dicindo: “Se existise, non permitiría que morresen tant@s nen@s indefens@s no Terceiro Mundo”, sen decatarnos de que é a nosa falla de amor a que permite estas situacións inhumanas.

ð O pesimismo tamén aparece coma unha tentación importante no noso mundo. Nembargantes, @ discípul@ de Xesús non pode vivir ancorado no pesimismo de tentacións e caídas; non podemos quedar no negativo de sentirmos débiles.

Hoxe, a Palabra de Deus ofrécenos a posibilidade de sincerarnos con nós mesmos. A nosa tarefa de cristiáns está en tomar conciencia das nosas propias deficiencias e dos nosos propios erros, actualizar a nosa fe en Cristo morto e resucitado por nós, e en comprometernos na propia conversión. Sen a axuda do Espírito non podemos vencer. E para vencer, unamos a nosa vontade as palabras de Xesús: “non nos deixes caer na tentación”.

ORACIÓN DA COMUNIDADE

A tentación e o erro seguen existindo na nosa sociedade, aínda que ás veces non queiramos recoñecelo; por iso che pedimos: