O PRÓXIMO: O ÚNICO LUGAR DA TERRA ONDE DEUS SE DEIXA VER, TOCAR E AMAR. CANTO GOZOSO § ENTRADA: Todos xuntos (Nº 56) § LECTURAS: Amigos nas penas § OFERTORIO: Na nosa terra (Nº 36) § COMUÑÓN: O amor é o meirande (Nº 120) OLLOS ABERTOS Paz e ben para todas e para todos! Protexer á persoa forasteira, non oprimir a quen vive na fraxilidade, acoller a quen chega sen nada. Iso que parece tan moderno, quedou escrito hai miles de anos coma un fío vermello que nos une a todas as persoas crentes. E hoxe, o Evanxeo resume todo nunha soa orde: amar a Deus e amar ao próximo. Sen trampa nin cartón. Porque de nada nos serve vir aquí a cumprir coa liturxia se fóra pechamos a porta á persoa que necesita axuda, a quen vén doutro país ou a quen sofre a soidade na nosa propia rúa. A fe que nos reúne hoxe esixe ter o corazón aberto, as mans dispostas e os pés ben firmes na terra. Coma comunidade que busca aprender a vivir ao estilo de Xesús, empezamo...
UN EN CRISTO, UNIDAS E UNIDOS NA MISIÓN (XORNADA DO DOMUND) CANTO GOZOSO § ENTRADA: Misioneiro serás (Nº 115) § LECTURAS: Como che cantarei (Nº 8) § OFERTORIO: Recibe Señor (Nº31) § COMUÑÓN: Acharte presente (Nº 51) OLLOS ABERTOS Un domingo máis xuntámonos para celebrar a fe e compartir a vida, pero hoxe facémolo coa mirada posta moito máis alá das nosas parroquias, porque celebramos a edición número 100 do Domund, a Xornada Mundial das Misións, baixo o lema "Un en Cristo, unidas e unidos na misión". Hoxe traemos ao noso altar a vida e o rostro de tantos misioneiros e misioneiras que, sen facer ruído, sen buscar medallas nin saír nos escaparates do poder, deixan a pel nos recunchos máis difíciles do planeta. E xunto co seu nome e o seu rostro tamén poñemos o noso, porque nós tamén estamos chamadas e chamados á misión, que non é máis que facer presente a tenrura de Deus. Porque “o de Deus” é, por riba de todo, a dignidade de cada per...