DEUS CONTA CONTIGO (IGREXA DIOCESANA 2026) CANTO GOZOSO ENTRADA: Unha xuntanza de amor (Nº 7) LECTURAS: O amor é o meirande (Nº 120) OFERTORIO: Señor Xesús, bendito sexas (Nº52) COMUÑÓN: Grazas, Señor, graciñas (Nº 50) OLLOS ABERTOS A maior parte do tempo gastámola en apagar lumes de curta duración, en correr detrás dunha urxencia tras outra e en gardar forzas por se acaso, construíndo muros contra a intemperie e esquecendo que unha soa lámpada illada apenas consegue iluminar a súa propia sombra. Fronte a este illamento, hoxe detémonos a celebrar o Domingo da Igrexa Diocesana: non como unha estrutura fría, senón como o tecido vivo e plural de todas as comunidades, barrios e aldeas que camiñan xuntas; a rede de mulleres e homes que escollen non vivir a escuras, compartindo a esperanza e a fe para manter a noite ben iluminada. Que a celebración que agora comezamos nos axude a encher de novo o aceite das nosas vidas. CORAZÓN MISERICORDIOSO · Po...
CONTRA A APATÍA, BENDITA REBELDÍA: A SANTIDADE DE HACKEAR O SISTEMA A BASE DE AMOR. CANTO GOZOSO § ENTRADA: Benaventurados (Nº 119) § LECTURAS: O amor é o meirande (Nº 120) § OFERTORIO: Na nosa terra (Nº 36) § COMUÑÓN: No colo da miña nai (Nº 49) OLLOS ABERTOS Hoxe a Igrexa ponnos no calendario unha festa que moitas veces imaxinamos mal. Pensamos nas santas e nos santos coma estatuas de escaiola, seres dun pasado afastado, con aureola e caras de aburrimento. Pero celebramos outra cousa ben distinta: celebramos as santas e os santos de a pé de rúa. A vida desas mulleres e homes que non están no santoral, pero que fan que o mundo mereza a pena: a veciña que coida sen que ninguén llo pida, quen sostén a man de quen sofre nun hospital, quen traballa pola xustiza sen facer ruído, quen perdoa cando tocaría odiar. Hoxe celebramos que a bondade é posible, que é de carne e óso, e que está chea de vida. Celebramos a rebeldía da fe, que nos espe...