Ir al contenido principal

Santa Maria Nai de Deus 2017


aínda que o pareza, nada é igual. Todo pasa, todo cambia... tamén nós. venturoso ano novo para tod@s!
Descarga o ficheiro

CANTO AGRADECIDO
PANXOLIÑAS

§  ENTRADA:
§  LECTURAS:
§  OFERTORIO:
§  COMUÑÓN:
ESCOITA ACTIVA
A moitas persoas estas datas parécenlle tristes; a outras, canseiras; a moitas outras, aburridas e baleiras de contido; tamén os hai que non soportan á familia, polo que estes días son para eles unha verdadeira cruz. E a nós? Si, a cada un e cada unha dos que estamos hoxe aquí. Temos pensado que significan persoalmente –non nos deixemos levar polo que din e lle oímos aos demais- estas celebracións cristiás?. Si, escoitamos ben: cristiás, porque o que celebramos é que Deus nace e que María ábrelle o seu corazón, toda a súa vida para acollelo e gozar tamén da salvación que nos vén traer.
Por iso estamos hoxe aquí, para celebrar, aledarnos, agradecer e poñer este ano que comeza baixo o amparo da forza de Deus e a tenrura de María, Nai e educadora que desde a paciencia foi facendo posible que Xesús acabara dicindo: benaventurad@s. Pois nesta benaventuranza comecemos a celebración de hoxe.
CORAZÓN MISERICORDIOSO
  • Porque a forza coa que comezamos o ano rapidamente se converte en desánimo e pesimismo; SEÑOR,ALÉNTANOS COA TÚA COMPAÑA. 
  • Porque só facemos bos propósitos, pero sen esforzarnos por poñelos en práctica; CRISTO, ALÉNTANOS COA TÚA COMPAÑA.
  • Porque somos moi de presente, e esquecemos que o esforzo é o que nos abre camiños e proxectos de futuro; SEÑOR, ALÉNTANOS COA TÚA COMPAÑA.
OLLOS ABERTOS E PÉS NO CHAN
Deus bendinos coa súa tenrura e paz. A súa bendición é camiño de vida e renovación, de presenza; pero tamén de lembranza para cada un de nós de que temos como tarefa, alí por onde pasemos, ser homes e mulleres de paz. Paz no dicir, no facer, no construír. Como nos di o papa Francisco na mensaxe para este día: “A non violencia é o estilo dunha política para a paz”. Só quen ten o corazón grande para entender que as cousas non se amañan nin coa indiferenza nin tampouco co enfrontamento é capaz de entender a mensaxe de Xesús e facela súa para así vivila. Só quen ten o corazón grande para entender que as cousas non se amañan nin coa indiferenza nin tampouco co enfrontamento é capaz de entender o que estamos a facer hoxe, agora mesmo na igrexa parroquial, neste primeiro de ano, no día no que celebramos que o si de María fixo posible que a súa Maternidade fose universal e nos acollera a tod@s no seu Fillo. Ese si, abriu a moitas persoas a facer da Palabra de Xesús guieiro desde o que que estar no mundo con actitudes que acheguen, unan, perdoen, valoren o que os demais fan, entendan que a solidariedade é preocuparse dos demais. E polo tanto sexan/mos persoas de paz. Por iso, coas palabras de Francisco, escritas na súa mensaxe para esta Xornada da Paz, esforcémonos tamén nós para:
      Deus en cada persoa nos permita recoñecernos uns aos outros como dons sagrados dotados dunha inmensa dignidade.
      Que a caridade e a non violencia guíen o modo de tratarnos nas relacións interpersonais, sociais e internacionais. Cando as vítimas da violencia vencen a tentación da vinganza, convértense nos protagonistas máis cribles nos procesos non violentos de construción da paz.
      Que a non violencia se transforme, desde o nivel local e cotián ata a orde mundial, no estilo característico das nosas decisións, das nosas relacións, das nosas accións e da política en tódalas súas formas.
      A violencia non é a solución para o noso mundo fragmentado.
      Tamén Xesús viviu en tempos de violencia. El ensinou que o verdadeiro campo de batalla, no que se enfrontan a violencia e a paz, é o corazón humano.
      A mensaxe de Cristo, ante esta realidade, ofrece unha resposta radicalmente positiva: el predicou incansablemente o amor incondicional de Deus que acolle e perdoa, e ensinou aos seus discípulos a amar aos inimigos.
      Quen acolle a Boa Nova de Xesús recoñece a súa propia violencia e deixase curar pola misericordia de Deus, converténdose á súa vez en instrumento de reconciliación, segundo a exhortación de san Francisco de Asís: «Que a paz que anunciades de palabra a teñades, e en maior medida, nos vosos corazóns».
      O amor aos inimigos constitúe o núcleo da “revolución cristiá” (Bieito XVI)
      A construción da paz mediante a non violencia activa é un elemento necesario e coherente do continuo esforzo da Igrexa para limitar o uso da forza por medio das normas morais, a través da súa participación nas institucións internacionais e grazas tamén á aportación competente de tantos cristiáns na elaboración de normativas a todos os niveis.
      A Igrexa Católica acompañará todo esforzo de construción da paz tamén coa non violencia activa e creativa. Hoxe, 1 de Xaneiro de 2017 comeza a súa andaina o novo Dicasterio –organismo do Vaticano- para o Servizo do Desenvolvemento Humano Integral, que axudará á Igrexa a promover, con crecente eficacia, «os inconmensurables bens da xustiza, a paz e a protección da creación» e da solicitude cara aos emigrantes, «os necesitados, os enfermos e os excluídos, os marxinados e as vítimas dos conflitos armados e das catástrofes naturais, os encarcerados, os desempregados e as vítimas de calquera forma de escravitude e de tortura»
Os pastores sentiron a ledicia de atopar, na súa sinxeleza, a Xesús na humildade dos pobres. Que tamén nós, nesta tarefa de ser unha Igrexa pobre e dos pobres, traballemos, desde a non violencia, por defender os valores que poñen ás persoas no centro do actuar e vivir, e non os intereses do ricos e poderosos. Porque facéndoo deste xeito estamos abrindo un camiño novo fronte aos que pensan que son as bombas e non a educación o que fai da paz o camiño polo que ir avanzando na nosa vida.
FRATERNIDADE ORANTE
Chamados a aprender a mirar máis alá das paredes dos nosos templos, ergamos a mirada cara a confianza en Deus, e digamos xunt@s:
QUE A PAZ E A XUSTIZA SEXAN GUIEIROS DO NOSO ACTUAR
  Para que a Igrexa traballe por mirar e transformar o mundo; e coma os pastores, saiba aledarse con quen é tratado con xustiza, con respecto, con igualdade e sen violencia; OREMOS.
QUE A PAZ E A XUSTIZA SEXAN GUIEIROS DO NOSO ACTUAR
  Para que nas nosas parroquias non pensemos nunca que por vir á Igrexa somos mellores que aqueles que non veñen e traballemos por dar testemuño de que, se todos nos esforzamos, a paz e a xustiza son posibles; OREMOS.
QUE A PAZ E A XUSTIZA SEXAN GUIEIROS DO NOSO ACTUAR
  Para que, sentindo a forza da bendición de Deus neste primeiro de ano, non deixemos que o maltrato, a violencia, o abuso, a corrupción ou calquera outra acción que faga de menos ás persoas, medre alí onde nós vivimos, traballamos ou vemos a persoas que non son tratadas con igualdade; OREMOS.
QUE A PAZ E A XUSTIZA SEXAN GUIEIROS DO NOSO ACTUAR
Que traballemos pola xustiza e a construción de sociedades igualitarias, fraternas e non violentas. P.X.N.S. Amén.
MIRADA ESPERANZADA
Cristo naceu, morreu e resucitou por todos. Desde esta sensibilidade humana e cristiá pensamos en tantas persoas que están a sufrir o despropósito da guerra, a violencia da fame e da pobreza, o sensentido da difusión do tráfico de armas, e a violación en definitiva dos dereitos humanos. Vivimos tempos nos que se multiplica a violencia, que é signo do escurecemento da verdade, do esquecemento da xustiza e da perda do amor. Crucemos as fronteiras da nosa pasividade e da nosa insensibilidade e mergullémonos na dor e no sufrimento de tantos irmáns nosos, participando vivamente nesta xornada de oración. Respondamos a esta petición do Papa. A solidariedade da familia humana é camiño para a paz. Oremos e traballemos xuntos en favor da paz.
(Monseñor Xulián Barrio, setembro 2017)

Comentarios

Entradas populares de este blog

Domund 2023

Corazóns aquecidos, Pés no camiño Cantos Lecturas.-  Misioneiro serás  ( 115 ) Entrada.-  Como che cantarei  (8 ) Ofertorio.-  Recibe, Señor  ( 31 )  Comuñón.-   Acharte presente  ( 51 ) Mirada agradecida             A Xornada Mundial das Misións, que en España chamamos DOMUND, é o día no que a Igrexa reza dun xeito moi especial pola evanxelización no mundo e lémbranos que todas e todos estamos chamados a participar activamente na misión.        Oración e axuda solidaria forman unha unión inseparable, porque como crentes non podemos rezar sen comprometernos solidariamente coas nosas accións, pero tampouco podemos facer accións solidarias se non as facemos xurdir da oración persoal e comunitaria.        Neste día, e do mellor das maneiras, a Igrexa mostra a súa universalidade sen fronteiras para tender a man e poñer o corazón, desde a mirada de Deus, en tódalas persoas que, dun cabo ao outro do mundo, o precisen. Palabra de misericordia ·        Porque son moitas as veces nas que nos fa

2 Pascua 2023

A paz é  camiño  de  e speranza e resurrección   ( Pódese, ad libitum, facer a aspersión no momento penitencial) Cantos •  Entrada.-  Que ledicia miña ( Nº 4 ) •  Lecturas.-   Canta   Aleluia ( Nº 21 ) •  Ofertorio.-  Recibe Señor ( Nº 31 ) •  Comuñón.-  Gracias, Señor, graciñas ( Nº 50 )   Mirada agradecida   ​ O tempo de Pascua é tempo de testemuño e esperanza compartida. O primeiro, o testemuño, vano dando os seguidores e seguidoras de Xesús a medida que van vencendo os seus medos e comezan a saír e  compartir  coa veciñanza que Cristo vive; que a súa vida foi semente de vida nova e alegría que precisaban anunciar. E é  esperanza  porque esa alegría é froito da presenza, sempre alentadora, de Xesús na súa  cotidianeidade. Xesús non é o ausente ao que se lle recorda, ao contrario, é presenza viva que fai reactivar a aqueles e aquelas que o coñeceron e acompañaron . Deste xeito pouco a pouco  foron  vencendo medos e dúbidas; deste xeito, tamén nós recibimos tamén a invitación de ser h

Vixilia Pascual 2023

       1      5)     LITURXIA DA EUCARISTÍA  ð   OFERTORIO  ð   SANTO  ð   NOSO PAI  ð   PAZ  ð   COMUÑÓN  ð   MIRADA ESPERANZADA   ð   DESPEDIDA  ð     6)     CANTO GOZOSO •         Ao prender o lume : A Cristo cantamos (Nº 110)  •         Na procesión cara o templo : Amigos nas penas  •         Lecturas  o   1º Ergo os meus ollos cara aos montes (Nº 112)   o   2º Pai, Pai, póñome nas túas mans  o   3º As túas Palabras, Señor, son espírito e vida  o 4º Benaventurados (Nº 119)  o   Canta Aleluia (Nº 21)  •         Aspersión:  A auga do Señor (Nº 124) •         Ofertorio : Sementar, sementarei  •         Santo:  Santo es ti (Nº 39)  •         Noso Pai : No camiño do amor (Nº 43)  •         Comuñón : Grazas, Señor, graciñas (Nº 50)   •         Canto final á Virxe:  Boas noites (Nº 70)      P ORQUE A MORTE FOI VENCIDA ,  FAGAMOS QUE  AS BÁGOAS SE CONVERTAN EN SORRISOS   LUME DE QUENTURA E LUZ   Ao redor do lume, que nos ofrece luz e quentura, xuntámonos no nome do Señor para comezar a cel