TEMPO DE ADVENTO: UN NOVO AGASALLO DE DEUS PARA DERROTAR O PESIMISMO E FACER XERMOLAR A ESPERANZA
SIGNO: Ofrecemos o cuarto e derradeiro cacto
PORQUE DEUS SEMPRE CUMPRE O QUE PROMETE….
ACHÉGASE A SALVACIÓN, ACOLLÁMOLA
PÓRTICO
Estamos xa na última semana do Advento. Unha semana que require de nos un esforzo por non caer en dúas tentacións. A primeira, de deixarnos levar… total é a ultima! . A outra, vivir xa o Nadal antes de tempo, pois os comercios, as calles e todo, nos invita a facelo así.
Que esta celebración sexa un encontro festivo da comunidade, que percorre unida esta última semana, descubrindo a Deus presente e cercano, camiñando con ela.
O PERDÓN
· Polas escravitudes que nos imos creando e que impiden que nos sintamos verdadeiramente libres , SEÑOR, CONVÉRTENOS A TI.
· Porque seguimos pedindo grandes sinais, pechando os ollos diante de tantas e tantas manifestacións da salvación de Deus presentes no noso mundo, CRISTO, CONVÉRTENOS A TI.
· Polas nosas maneiras de tratar aos que están máis preto de nós, que moitas veces poñen de manifesto a nosa pouca sensibilidade para o que eles pensan ou fan. SEÑOR, CONVÉRTENOS A TI.
REMUÍÑO
Ao longo da historia da salvación atopamos a un Deus que vai ofrecendo a mans cheas a súa salvación. Un Deus que, lonxe de intereses mediáticos, grandes oropeis, tribunas públicas, pompas e boato, está presente no pequeno, nas cousas sinxelas, no humilde.
· No tempo de Moisés, Deus, o Deus dos pobres, fixo opción polo pobo oprimido, non polo pobo opresor. Non quere a tiranía dos exipcios nin a escravitude dos hebreos. Quere que todas as persoas, fillas súas, teñamos a mesma DIGNIDADE e IGUALDADE.
· No tempo de Xeremías, Isaías, Baruc…, Deus, o Deus dos profetas, fixo unha opción polo pobo desterrado, non polo pobo conquistador. Lonxe da prepotencia babilónica e da dependencia de Israel, Deus quere para todas as persoas a LIBERDADE.
· No tempo de Xoán Bautista e de María, Deus, o Deus das promesas, fixo opción polos sinxelos, polos austeros e polos humildes. Non quere a violencia nin o protagonismo, quere o RESPECTO e a SOLIDARIEDADE.
· No tempo de Bieito XVI , Deus, o Deus de Xesucristo, fai opción polos empobrecid@s e expoliad@s, pol@s marxinad@s e excluíd@s, pol@s febles e pacífic@s. Nunca poderá bendicir cegas ambicións e riquezas manchadas co sangue e a suor das persoas despoxadas da súa dignidade, porque El quere a XUSTIZA e a PAZ.
Ás veces vivimos coma o rei Acaz, perdid@s entre as manifestacións da forza e do poder dalgúns que din traballar polo ben: fundamentalismos de todo signo que pretenden defender a pureza dunha relixión, dunha raza, dunha nación…. Fronte disto, Deus maniféstanos que está presente alí onde se lle devolve á persoa a súa dignidade.
Por iso, a pregunta que nos podería lanzar El neste derradeiro domingo de Advento ben podería ser a seguinte: e ti, de que lado estás?.
ORACIÓN DA COMUNIDADE
De novo, sentíndonos unidos nunha mesma fe, e dispostos a compartir a solidariedade na oración, dirixímonos a Deus para que aprendamos a ser verdadeiros sementadores do seu Reino. E cantamos xuntos:
VEÑA O TEU REINO, SEÑOR, VEÑA O TEU REINO. QUE NA TERRA HAI BOA FALLA DE QUE MUDEN MOITAS COUSAS E MELLOREN (bis)
· Pola Igrexa, para que saiba descubrir a presenza do Mesías esperado, no traballo comprometido de tantas persoas que son capaces de arriscar a súa vida na defensa da xustiza e o cambio de estruturas opresoras, OREMOS.
VEÑA O TEU REINO, SEÑOR, VEÑA O TEU REINO (bis)
· Polas nosas comunidades, para que nos preparemos con mais intensidade para o encontro co señor: visitando enfermos, falando con persoas soas, perdoando antigas rencillas, comprendendo situacións e persoas, acollendo a quen se sinta desprezado, OREMOS.
VEÑA O TEU REINO, SEÑOR, VEÑA O TEU REINO (bis)
· Por cada un e cada unha de nós, para que este tempo que hoxe rematamos sexa alento e forza que nos axude a vivir desde a sinxeleza, a austeridade e a profundidade o tempo de Nadal que peta na porta do noso corazón, OREMOS.
VEÑA O TEU REINO, SEÑOR, VEÑA O TEU REINO. QUE NA TERRA HAI BOA FALLA DE QUE MUDEN MOITAS COUSAS E MELLOREN (bis).
Grazas, Señor, por facernos caer na conta de que non son as rutinas, senón a sinceridade no facer e pensar, o que nos achega a Ti e aos irmáns. P.X.N.S. Amén.
REFLEXIÓN
Grazas, Señor,
porque nos invitas a endereitar os vieiros,
a preparar o camiño para que veñas.
Grazas, Señor,
porque queres contar comigo.
Grazas, Señor,
porque queres entrar na miña casa
e facer dela unha nova morada.
Grazas, Señor,
porque te lembras de nós,
e de min,
e poste no camiño polo que vou camiñando
para que te atope,
porque Ti xa me atopaches.
Grazas, Señor,
porque vés,
porque estás,
porque estarás.
Grazas, Señor.
CANTOS
ENTRADA: VOLVE, SEÑOR/VEN AXIÑA VISITARNOS
LECTURAS: CONTADE AS MARABILLAS
OFERTORIO: XURDIRÁ
COMUÑÓN: XESÚS CHAMADO AMIGO
Comentarios