Ir al contenido principal

2 domingo TO 2010

"FACEDE O QUE EL VOS DIGA"

Pórtico

Anda… pero se xa rematou todo… Tanto preparar… tanta ilusión… tantos kilos de máis… e ao final volvemos á normalidade. Que depresión!... Resúltanos familiar esta sensación?. E é que cando reducimos o Nadal a un puro consumismo, á xuntanza familiar, a unha opípara comida..., gastamos moitas forzas en preparar todo, en facer cousas, en ter todo perfecto.. pero corremos o risco de non decatarnos de que realmente o que celebramos é que o amor de Deus é tan grande que envía ao seu Fillo feito Neno para que sexamos felices.

Hoxe, na Igrexa, volvemos ao tempo ordinario despois do Advento e o Nadal. O extraordinario pasou e é tempo de poñelo en práctica... Tódalas ilusións, tódolos propósitos, toda esa vida proxectada para este ano. Que alegría sentir esa nova vida que vai revolucionando e transformando o cotiá, o día a día, pois diso se trata.

Que a celebración de hoxe sexa un motivo de encontro co Pai que nos anima a comezar esta nova xeira.

PERDÓN

  • Porque nos deixamos vencer pola apatía, pola indiferenza e non temos en conta nin escoitamos aos demais, SEÑOR QUE ESCOITEMOS A TÚA VOZ.
  • Porque moitas veces non escoitamos os teus anuncios, pechamos os oídos e torcemos a cara, CRISTO, QUE ESCOITEMOS A TÚA VOZ.
  • Porque non somos quen de descubrir o bo das persoas, de valoralo, de contar con elas na nosa vida, SEÑOR, QUE ESCOITEMOS A TÚA VOZ.

Remuíño

  • Xesús comeza a súa predicación, xa ten os primeiros discípulos... A escena transcorre nunha voda; pero... non teñen viño, falla o máis importante da festa. Nós tamén comezamos o tempo ordinario, o día a día do noso compromiso cristián: na casa, cos veciños, no traballo... e cantas situacións de carencia de...!. A nós este domingo, invítasenos, como fixo María, a estar atentos a esas situacións, intentar comprendelas e na medida do posible buscar solucións. Pero sen protagonismos, sen trompetas de anuncio, sen "aquí estou eu". Só dende o diálogo, a comprensión, a escoita... poderemos ser quen de mostrar a Xesús aos demais.
  • Este "facede o que El vos diga" é o que transforma a auga... auga de tristura, de soidade, de incomprensión, de calumnias, de desprezo... en viño novo de comprensión, de diálogo, de paz, de novos lazos familiares, veciñais, na Igrexa...É Xesús quen fai posible que a auga se transforme en viño sen deixar de ser nós, sen obrigas, senón dende a liberdade de sentirnos queridos polo Pai que se manifesta nos demais.
  • E sempre coa valentía de Isaías, por amor ás persoas para que non se sentan abandonadas nin desfavorecidas para que atopen o rostro de Deus no noso compromiso, no noso actuar no medio deles. Que esta celebración do amor do Pai a todos nós sexa festiva, alegre e chea de ilusión, xa que é o mesmo Deus quen está no medio de nós.

Peticións

Pai, Ti sempre estas atento ás nosas necesidades, por iso dicimos:

SEÑOR, QUE CUMPRAMOS A TÚA VONTADE

  • Pola Igrexa, para que estea atenta ás necesidades das persoas para así saír ao paso de situacións de dor, de incerteza, de rexeite, de pobreza... procurando a confianza con todos, OREMOS.

SEÑOR, QUE CUMPRAMOS A TÚA VONTADE

  • Polas persoas que teñen responsabilidades no goberno das nacións, para que convertan a auga do desacougo, da tristura, do paro, do problema da vivenda, da enfermidade, da exclusión, da pena,... en viño novo de ledicia, liberación, de humanidade nova, de paz e amor, OREMOS.

SEÑOR, QUE CUMPRAMOS A TÚA VONTADE

  • Por tód@s que estamos nesta celebración, para que esteamos atentos ás chamadas de Deus ("Facede o que El vos diga") e así sexamos quen, no día a día, de ser portadores de ledicia, solidariedade, comprensión, diálogo, escoita, acollida a Deus, OREMOS.

SEÑOR, QUE CUMPRAMOS A TÚA VONTADE

Pai, Ti queres que tod@s participemos no banquete do teu amor. Fai que sempre nos sorprenda a túa acción entre nós e así, como María, escoitemos a voz dos que non a teñen. Por Cristo noso Señor.

PARA A REFLEXIÓN

Non temos viño, Xesús.

Non temos viño.

Para as vodas de irmandade,

onde festexamos o que amor que Ti nos dás,

non temos viño.

Para as xuntanzas fraternas,

nas que fas medrar os nosos amores,

non temos viño.

Para a alianza do Norte co Sur,

do mundo rico co mundo pobre,

non temos viño.

Para a aperta solidaria cos inmigrantes,

que reclaman os dereitos máis fundamentais,

non temos viño.

Para as manifestacións de protesta,

pedindo paz, traballo, xustiza,

non temos viño.

Para a festa do compromiso humano,

onde celebramos triunfos e fracasos,

non temos viño.

Para o encontro do perdón,

que sanda, renova e rehabilita,

non temos viño.

Para a apertura do amor familiar,

limpo, fondo, agradecido,

non temos viño.

Para as nosas celebracións de cada día,

sinxelas, íntimas, queridas,

non temos viño.

E por iso andamos tristes e apoucados,

sen graza e coa ilusión apagada.

Non temos viño, Xesús.

Non temos viño.

CANTOS

  • ENTRADA: Que ledicia a miña
  • LECTURAS: Ide e pregoade
  • OFERTORIO: Na nosa terra
  • COMUÑÓN: O amor é o meirande

Comentarios

Entradas populares de este blog

Domund 2023

Corazóns aquecidos, Pés no camiño Cantos Lecturas.-  Misioneiro serás  ( 115 ) Entrada.-  Como che cantarei  (8 ) Ofertorio.-  Recibe, Señor  ( 31 )  Comuñón.-   Acharte presente  ( 51 ) Mirada agradecida             A Xornada Mundial das Misións, que en España chamamos DOMUND, é o día no que a Igrexa reza dun xeito moi especial pola evanxelización no mundo e lémbranos que todas e todos estamos chamados a participar activamente na misión.        Oración e axuda solidaria forman unha unión inseparable, porque como crentes non podemos rezar sen comprometernos solidariamente coas nosas accións, pero tampouco podemos facer accións solidarias se non as facemos xurdir da oración persoal e comunitaria.        Neste día, e do mellor das maneiras, a Igrexa mostra a súa universalidade sen fronteiras para tender a man e poñer o corazón, desde a mirada de Deus, en tódalas persoas que, dun cabo ao outro do mundo, o precisen. Palabra de misericordia ·        Porque son moitas as veces nas que nos fa

2 Pascua 2023

A paz é  camiño  de  e speranza e resurrección   ( Pódese, ad libitum, facer a aspersión no momento penitencial) Cantos •  Entrada.-  Que ledicia miña ( Nº 4 ) •  Lecturas.-   Canta   Aleluia ( Nº 21 ) •  Ofertorio.-  Recibe Señor ( Nº 31 ) •  Comuñón.-  Gracias, Señor, graciñas ( Nº 50 )   Mirada agradecida   ​ O tempo de Pascua é tempo de testemuño e esperanza compartida. O primeiro, o testemuño, vano dando os seguidores e seguidoras de Xesús a medida que van vencendo os seus medos e comezan a saír e  compartir  coa veciñanza que Cristo vive; que a súa vida foi semente de vida nova e alegría que precisaban anunciar. E é  esperanza  porque esa alegría é froito da presenza, sempre alentadora, de Xesús na súa  cotidianeidade. Xesús non é o ausente ao que se lle recorda, ao contrario, é presenza viva que fai reactivar a aqueles e aquelas que o coñeceron e acompañaron . Deste xeito pouco a pouco  foron  vencendo medos e dúbidas; deste xeito, tamén nós recibimos tamén a invitación de ser h

Vixilia Pascual 2023

       1      5)     LITURXIA DA EUCARISTÍA  ð   OFERTORIO  ð   SANTO  ð   NOSO PAI  ð   PAZ  ð   COMUÑÓN  ð   MIRADA ESPERANZADA   ð   DESPEDIDA  ð     6)     CANTO GOZOSO •         Ao prender o lume : A Cristo cantamos (Nº 110)  •         Na procesión cara o templo : Amigos nas penas  •         Lecturas  o   1º Ergo os meus ollos cara aos montes (Nº 112)   o   2º Pai, Pai, póñome nas túas mans  o   3º As túas Palabras, Señor, son espírito e vida  o 4º Benaventurados (Nº 119)  o   Canta Aleluia (Nº 21)  •         Aspersión:  A auga do Señor (Nº 124) •         Ofertorio : Sementar, sementarei  •         Santo:  Santo es ti (Nº 39)  •         Noso Pai : No camiño do amor (Nº 43)  •         Comuñón : Grazas, Señor, graciñas (Nº 50)   •         Canto final á Virxe:  Boas noites (Nº 70)      P ORQUE A MORTE FOI VENCIDA ,  FAGAMOS QUE  AS BÁGOAS SE CONVERTAN EN SORRISOS   LUME DE QUENTURA E LUZ   Ao redor do lume, que nos ofrece luz e quentura, xuntámonos no nome do Señor para comezar a cel